Nosotros | Anunciarse | Contacto
Notivideo
Inicio | Deportes | Editorial | Espectáculos | Estado | Morelia | Nacionales | Purépecha | Sucesos

Resumen de noticias en Purépecha.

)
Resumen de noticias en Purépecha. Ari semana énka 13 jurhikwa wéenaka 2017 jimpo, i ampe kurhakwarhisti. Resumen de noticias en Purépecha.
Ari semana énka 13 jurhikwa wéenaka 2017 jimpo, i ampe kurhakwarhisti.

Gilberto G, énka arhinhajka El Chanda, ónhanhasti, jupikanhasti ixu Michoacán, jimpoka no sési útspiriiska, ka wantanhasï éska inte no se útspixapka ji Buenavista ka Apatzingan ísï. Juez ma ixekuxati ampeteru no sési útspiski ka ísï petanhani o ónhakata p’akarani. Gilberto G. kwápiri jintesti ima énka kwápianka Joaquín Guzmán, Chapo arhikatani.

Alfonso Martínez, juramuti Morelia anapu, ménku wantaxati éska no wékasïnka éska policía Morelia anapu inchamukuaka Mando úniconi jimpo, jimpokanha sánteru sésiwaka éska policiaecha ánchikwarhiaka ixuk’u Morelia ka no axanhani máteru nani éska na gobierno del Estado eratsika, wantastit’u éska wétarhisïnka éska policíaecha kwáni jawaka iretani jimpokanha mámaru ampe jimpo no sési janhaskwarhixaka, sïpanhani ampe, atap’erani ka máteru ampe. Alfonso Martínez wékasïnti éska jarhoap’eraka ka márku ánchikwarhiakaksï gobierno del Estadoni jinkoni ka éska tuminu inteni jimpo míntakata municipio marhuataaka.

I semana orhets’ïkuti senadoriicheeri PRD anapu, Luis Miguel Barbosa Huerta két’akusti, ka Raúl Morón Orozconi erakunhasti ka inte orhets’ïkuani senadoriichani. Mítikwarhisti éska ísï kw’aniska jimpoka Miguel Barbosa jarhoataxaka AMLO ka Morenani, amposïnha PRD anapucha ikuakuni jati.

Kurhantekwarhisti éska legisladoriicha jirinhaxaka jimpanhi fiscal anticorrupción, ka sïranta inchamutastiksï 25 kw’iripu énka wékani jaksï fiscalieni. Mántani kw’iripu pitarkwarhinhaxati ka wantani na, naksï ánchikwaripirini énka jameri erakunhaaka. Ka íst’u wantanhasti éska tsimani kw’iripu kéntitaskaksï jimpokanha sïranta ka karakata no sési jimpo inchamutaskaksï.

Suprema Corte de Justicia de la Nación, juramusti éska no sési jarhaska éska orhetamaka policíaechani (fuerza pública) ka kw’iripuni chutaani ka kéntitaani, jimpokanha ísï wantasïnti jurakwa México anapu. Ministroecha wantastiksï éska policiecha jarhaska pari kwápini ka janhanharhini kw’iripuni.

Donal Trump wenapirinti xanhatani juramukwani énka no jiáratapirinka éska kw’iripu inchakupirinka Estados Unidos, jóperu tsimani jueziicha, kwárhutasti inteni juramukwani, ka Trump wantasti éska jánkwarhiaka ne na úni inteni eratsikwani xanhatani.

Jini Colombianha jinchesti, ka ireta cherakwarhisti, jóperu wantanhasïnti éska no ma ampe nitamakwarhiska. I semana, kurhakwarhisti éska jini Etiopia, Africa 62 kw’iripu warhinhaska, jimpokanha jima énka k’arhatsita tsitanhajka, champakwarhiska xáni yótatanksï, ts’ïma énka warhika jima antantukuerani irexaptiksï.

Notivideo
Derechos Reservados
© Notivideo