Resumen de noticias en Purépecha.
Autor: Redacción
) 
Autor multimedia: Especial
Resumen de noticias en Purépecha.
I ampe nitamakwarhisti i semana, wénaparini 8 jurhiatikwa ka 12 jurhia jameri 2017 jimpo.
I ampe nitamakwarhisti i semana, wénaparini 8 jurhiatikwa ka 12 jurhia jameri 2017 jimpo.
Autor multimedia: Especial
I semana viernes jimpo míkwarhisti késka Manuel Mireles Valverde, kataperakwarhu wéraska, tanimu wexurhini ónkwarhitini jarhaspti ka juez ma íntskusti sésikwa ka úni kwap’ekwarhini wérakwa jatini mayempiparini 30 mil peso. Inte achamasï Diosï meyamukwa arhisti imani kw’iripuni énkaksï jarhuaka ka wantasti éska no mémani kurhunhikwaka.
José Manuel Mirelesïri kwáp’iriicha abogado arhikateecha ka Movimiento Ciudadano orhets’ïkutiicha, nirastiksï PGR ka tsámpikusti juezïni énka ixekuni japka Mirelesï k’amanharhintskwani, jimpokanha no yóntakuska xanhatani éska inte wérapirinka. Ma wéxurhini antankuspti ya énka ts’ïmi kurhakupka juezïni éska petapirinkaksï ka no petaspti.
I semana kw’ínchinhant’asti náantiicha, ka jima Expo Fiesta 2017 Marco Antonio Solís, pirekuasti yámintu warhismasïichani énkaksï nípka jini kw’ínchini.
Tsípinhasti ch’anakwa futbol ixeriicha, jimpoka Monarca anapu fultbol ch’anariicha antawaska Xolosïichani. Yáasï erokwarhixatiksï ménteru ch’anani jini Tijuana ka énkaksï antaska sánteru orhepani niaratiksï.
México anapu juramutiicha wantastiksï éska sánteru sïpaxakaksï gasolina mámapuru estado jimpo, ka pitarasïnti 20 mil millón ísï ma wéxurhini jimpo. Isï wantanhasti yáasï énka mítikwarhika éska jupiperanhaska soldadoecha ka gasolina sïpariicha Huachicolero arhikateecha ka jimanha warhinhasti t’ámu soldaducha ka kwímu kw’iripu jima anapuecha. I ampe ménkuwantanhaxati jimpoka xaarhatanhaska éskanha soldaduecha wantikuska ma kw’iripuni énka no úpka kwapikwarhini.
Jorhenkwarhiriicha énkaksï k’amarhukuaka jorhenpikwani útiksï nirani ánchikwarhini Estados Unidos, jimpoka SEP Inteni kúnkwarhikuani Latin Business Association jinkoni ísï pakatperastiksï.
Jini Francia i semana Emmanuel Macron presidenciakwarhu niarasti, antakusti Marine Le Pen, ka p’imariasti yámintu jima Francia anapuecha éska mak’u ánchikwarhiakaksï winaperani iretani éska na kurakuka Hollande.
Ka jini Venezuela ménku kw’iripu no xenchaxatiksï Nicolás Maduruni ka winhachakuxatiksï, i semana tata k’ériicha ka nana k’ériicha xanharu wéakustiksï. Nicolás Maduro wantastit’u éska Estados Unidos wékaxaka juramukwarhu inchakukuni.
Derechos Reservados
© Notivideo
© Notivideo