Resumen de noticias en Purépecha.
Autor: Redacción
) 
Autor multimedia: Especial
Resumen de noticias en Purépecha.
Ménteruksïni sáni ayenkuni nirasïnka ampe úkwarhiski inte semana énka k’amarhuka 23 jurhiakwa junio 2017 jimpo.
Ménteruksïni sáni ayenkuni nirasïnka ampe úkwarhiski inte semana énka k’amarhuka 23 jurhiakwa junio 2017 jimpo.
Autor multimedia: Especial
Axu Michaocán Ejercito Mexicano, jupikastiksï Ignacio Rentería Andrade ka máteru kw’iripu ma énka inteni jinkoni ánchikwarhianka, ts’ïminha jupikasti imani irietani jimpo énka arhikwarhijka Primero de Septiembre municipio Parácuaro jimpo, PGR inteni no sési útspirini jamaxapti yóni ya jirhinani.
Ménteru jupiperastiksï Policía ka jorhentpiriicha normalisteecha Tiripetio anapucha, jima kw’imu policíaecha atakata pakarasti ka 15 jorhenkwarhiriicha, ts’ïminha treniiri xanharuni míkatini jatsispti ka inteni jupiperakwa jimpo ma jorhenkwarhiri ép’urhu pitarastiksï ka miákwa tsitani ka yáasï jameri nótki úxati miánt’ani.
Secretaría de Seguridad Pública wantasti éska ts’ïmi nónha kw’aniraska sési jimpo, ka jorhenkwarhiriiicha no jakak’usïnti jimpoka Gael Solorio Cruz no úxati sési pikwarherani ka kw’istastini jatsistiksï, ka xarhatastiksï námanka jaka Gael ka jimposï kurhakwarhini jatiksï éska juramitiicha seguridad pública anapuka jarhontawakaksï.
En el país la onda de calor que ha afectado a estados del Norte, se ha extendido hasta Ari semanat’u axu México ka sánteru sáni jini norti ísï sésimintu káni aparhikwarhisti, jini Sinaloa antankusti 52 grado, máteru wáni estado jimpot’u niarasti 40 grado jameri, jimposï juramutiicha Secretaria de salud anapuecha p’imarhisti kw’iripuni éska k’umantu jawaka ka itsïmakwarhinhaaka ka ísï no aparhikwa at’ani ka éska jámani jawakaksï ixeni éska t’irekwa no xárhipiaka.
Procuraduría Federal del Consumidor (PROFECO), mítitarpisti éska wáni gasolineríecha nó sési winiraxatiksï gasolinani íntspikwarhiparini, jimposï PROFECO míkawani jati gasolineríaechani ka márunha meyampitarani jati jimpokaksï kw’iripuni sïpakuxakasï. Yáasï jameri 108 millón peso mayampitarastiksï k’amanharhitant’ani jimpoksï no sési tsétani jakaksï gasolinani.
Presidente Estados Unidos anapu, Donald Trump ménteru piskunt’asti éska wékasïnka México ísï watsotakwa úni, jimpokanha xarhatanhaska éska Méxiconha jinteska ma ireta énka sésimintu no sési atap’eranhajka sáno terokusïntinha éska Siria na atap’eranhajka. Trump wantasïnti éska México xáni atap’eranhasïnka jimpoka droga arhikata parhikutanhasïnka ka íntspikwarhinhinha, jimpo Donald Trump ménku wékani jati watsotakwa ma jawatani ótakwarhini México, ka yáasï eratsixatinha úni watsotakwani inte jimpo panel solar arhikata jimpo.
I ampe nitamanhasti yápuru ísï, Diosï meyamukwa énkats’ïni kurhachani jaka mántani sémana ka p’imarhixakaksïni éskats’ïni kurhachani jawaka inte semana.
Derechos Reservados
© Notivideo
© Notivideo