Nosotros | Anunciarse | Contacto
Notivideo
Inicio | Deportes | Editorial | Espectáculos | Estado | Morelia | Nacionales | Purépecha | Sucesos

Resumen de noticias en Purépecha.

Ari ampe nitamakwarhisti mámaru ireta jimpo i semana énka wénaka lunes 24 Julio 2017 jimpo.

Erokaparini éskats’ï sési nitamakwarhini jakaksï, niraxakaksïni ayenkuni ampe ka ampe kurhantekwarhiski i semana, énka k’amarani jaka julio 2017.

Estados Unidos wantanhasti éska papaya ixu Michoacán anapu, énka jiniani pánhajka íntspikwarhintsï salmonella jukaraska, ka inteni p’amenchakwa jimpo kw’iripu warhistinha ya ka máteruecha p’amenchakwani p’irastiksï. Ixu anapu papaya jukanchatiicha Aquila ka Apatzingán anapuecha wantastiksï éska papaya ixu anapu no salmonella jukaraska, jimpokanha ixu sésimintu ixenhasïnka éska inte akwa no ma jukaraaka.

Morelia, Michoacán i semana ixenhant’asti xanharu lobo marino arhikata, intenha Golfo de California anapuesti. Veterinarioecha énkaksï Zoológicorhu Morelia ánchikwarhiriicha jámastiksï ixeni éska sési japirinka ka jima zoológicorhu pástiksï incharani, PROFEPA jirinhant’axaampti ne ísï jurak’uski xanhari jimpo.

Procuradoriicha ka fiscaliicha yámintu ixu México anapuecha tánkwarhistiksï wantontskwarhini na sánteru sési jakunt’ani nuevo sistema de justicia penal acusatorioni, jima orhets’ïkuti PGR anapu Raúl Cervantes wantasti éska sési japirinka mák’u úant’ani yámintu procuraduriaechani ka ísï únksï sánteru sési jarhuap’erani yámintu estaduechani jinkoni, ka úni ánchikwarhinhani jupiani no sési útspiriichani yápuru ísï.

México ari semana wantanhajti éska Mini Lic arhinhakata, niraska xarhakuani juramuti DEA anapuechani jini Baja California, inte tumpi no sési útspiri Dámaso López Serrano wáp’eesti, ka táateempa yóni jámaspti ánchikwarhini Joaquín Guzmán El Chapo jinkoni énka yáasï ónhakata jaka Ciudad de México.

I semana, kurhantekwarhisti éska jini Texas, Estados Unidos, ixenhant’aska mótsetarakwa ma ka jimanha wáni kw’iripu jatarini jarhasptiksï, ka 34 México anapuechaspti, ísïnha jurak’uasptiksï ónhakata ka nómpe itsï ka t’irekwa jatsisptiksï ka nóteru únksï mítsitani xáni nóteru tarheata jarhani. Mótsitarakwa kánti jintestinha Norti anapu ma ka jupikanhastinha ya.

No sési úkwarhisti i semana jini Barcelona España, tsimani trenichanha no sési warperastiksï, ka wantanhasti éska 56 kw’iripu atakasta pakaraskaksï ka pánhastiksï ts’inaani.

Diosï meyamukwa énkats’ïni kurhani jaka arini ayamperatani jimpo.
Notivideo
Derechos Reservados
© Notivideo