Yáasï niraxakaksïni ayenkuni ampe nitamakwarhiski inte semana, énka wénaka t’émpini jurhiatikwa...
Autor: Redacción
) 
Autor multimedia: Especial
Yáasï niraxakaksïni ayenkuni ampe nitamakwarhiski inte semana, énka wénaka t’émpini jurhiatikwa...
Jánhaskatiicha wantastiksï éska ísï úkwarhiska jimpoka ch’úpiri jimajku no yawani inchatsikwarhu jarhaska, ka kurhirastinha...
Jánhaskatiicha wantastiksï éska ísï úkwarhiska jimpoka ch’úpiri jimajku no yawani inchatsikwarhu jarhaska, ka kurhirastinha...
Autor multimedia: Especial
Jini Pueblo Viejo, municipio Venustiano Carranza ísï, kw’iripu chésti jimpoka ísï wantanhasïanka éskanha volcán ma charaxaanka, ísï wantanhasïanti jimpoka ch’úpiri wetsixapka jima fultbol ch’anarakwarhu ma jimpo. Juramutiicha ka jánhaskatiicha UNAM ka Universidad Michoacana anapuecha wantastiksï éska no ísïiska ka éskaksï no wantanhiawaka.
Jánhaskatiicha wantastiksï éska ísï úkwarhiska jimpoka ch’úpiri jimajku no yawani inchatsikwarhu jarhaska, ka kurhirastinha karichiichani ka támu icheri charantisti ka jukarinha no sési jorhe jorhesï antarani.
Kurhantekwarhisti i semana éska Soldadoecha niraspka jini Tepalcatepec jupikaani no sési útspiriichani énkanha jima jámani japkaksï droga arhikatani jatsiratini tsimani mótistarakua jimpo. Jimini anapuechanha soldadoechani no jurhak’uasti éska iretarhu niápirinkaksï ka chutastiksï tsakapu ka ch’úkari jimpo ka ísï no ústiksï jupiani ts’ïmini no sési útspiriichani.
I semana, wantanhasti éska ixu México 21 jurhiatikwa mayo jimpo, inte empresa petrolera Sierra Oil & Gas ixenhant’aska sánteru Petroleo jini Tabasco ísï, ka inte petróleo jawati sano mil 400 o 2 mil millón barriliicha jameri.
Xáni janininha jini Morelos jarhata ma úkwarhisti xanharu jimpanhi jimpo ka mótsitarakwa ma wekanhint’asti ka tsimani kw’iripu warhinksï. Juramutiicha Morelos anapu wantastiksï éska janhaxaka ya ixeni ampe jimposï ísï xamakwarhiski xanharu jimpanhi ka ísï warhinksï tsimani kw’iripu. Secretario Comunicaciones y Transportes orhets’ïkuti, Gerardo Ruiz Esparza wantasti éska jarhontataska Josés Luis Alarcón Ezetani jimpoka ísï úkwarhika.
I semanat’u kurhantekwarhisti éska jini Brasil Luiz Inácio Lula da Silva énka presidentepka jima, ónhanhati 9 ka terok’ani wéxurhini, jimpokanha k’amanharhint’askaksï éska intenha tuminu íntskunhaska ka sïranta úkuni petróleo pitariichani Petrobras arhikatani, sánonha t’ámu millón tuminu jini Brasil anapu, ka inteni jimponha ampantskakwarhini inteeri irekweempani.
Diosï meyamu énkats’ï kurhani jarhajka íni ayamp’eratani, éskats’ï pawani pawani sési nitamakwarhini jawaka.
Derechos Reservados
© Notivideo
© Notivideo